प्रवीण शर्मा ताल*

*विषय -तन्द्रा*

*मालवी रचना*

मु तो हवेरा -हवेरा तन्द्रा खोली,
 देखन तावड़ो की भर भर आई झोली।

तन्द्रा खोली न मुंडो कण्णी को देख्यो
हामे जो पेला वण्णी को मुंडो देख्यो।

तावड़ो देखिन आँगन में कुकड़ो बोल्यो
गली- गली में हगरा की तंद्रा खोल्यो।

आँगन में धमक सी कई  हुन्यो कि
 कोई आयो अखबार जोर ती नाक्यो।

एक -एक पन्ना पर तन्द्रा फेरीन,
अखबार उठाईन  खबरा वाच्यो।

फटाफट वाचता -वाचता खबरा,
मारी लुगाईन ने  गर्म चा लादी,

थोड़ी देर में कई देख्यो कि कोई
हाटा फूटा वारो आवाज लगा दी।

मारी तन्द्रा देखिन वण्णी की ओर
ध्यान में मगन- मगन ती सुहादी.।

*😁✒प्रवीण शर्मा ताल*