आशुकवि रमेश कुमार द्विवेदी चंचल

पावन मंच को मेरा सादर एवं सप्रेम प्रणाम, आज की रचना!! लालच!! का अवलोकन करें*******                               लालिचु नीकु रही ना कबौ जगु नाहिनु नीकि रही चतुराई!!                             दीन ईमानु तिलांजुलि  दय दय  लायौ घरा मंहय दौलतु भाई!!                            धाये बेमारी अजारी  तमामु औ देइहौ ताहि बजार लुटाई!!                                 भाखत चंचल गाढ़े पसीने कै  दौलतु मांहि विकासु देखाई!! 1!!                          याहय तौ मुनि जनु संतु बतावतु  बाति यहय इतिहासौ बताई!!                                खून पसीने कै पूजा करौ बेईमानी के ढिंग  कबौ नहि जाई!!                          रूखै सूखा तै पेट भरौ मुल चाह ना रख्खौ तू रबडीं मलाई!!                           भाखत चंचल शीतल पानी  है बेहतरू  जौनु फ्रीजु तै लाई!! 2!!                           मेहनतु जौनु मिलै तोरी भागि रखु संतोषु भजौ रघुराई!!                                चूपरी  देखि पराई जना नहि धारौ  मना मंहय लालिचु भाई!!                              लेखी विधाता वहय मिलिहंय मुल देखि अंटारी  मना बहराई!!                           भाखत चंचल काव कही धरि लालिचु  ना धन पावहु सांई!! 3!!                         बेहतरू देखतु हैं पशु पक्षिऊ  जिन्हैं नहि लालिचु कै अधिकाई!!                        ऊंचौ टंगौ अंगूर निहारि  लोखरी कच्चौ कै भाव हू लाई!!                                  छांडि़ हटी तहंवा  तै वहौ  अरू घूमत घामत मन बहराई!!                                  भाखत चंचल रे मनुआ धिक्कार तुंहय मन लोभु ना जाई!! 4!!                            आशुकवि रमेश कुमार द्विवेदी चंचल!! ओमनगर सुलतानपुर उलरा चन्दौकी अमेठी उत्तर प्रदेश मोबाइल फोन**""8853521398, 9125519009!!